بدأنا من البلكونة، وحلمنا   نوصل للعالمية بإذن الله

كل حاجة بدأت بـ 600 جنيه.
اشترينا بيهم شوية بطاريات بايظة، وبدأت رحلتنا

كنا بنختبر البطاريات بإمكانيات بسيطة جدًا، عشان نعرف إذا كانت صالحة ولا لأ. ومع الوقت، اكتشفنا فجوة كبيرة في السوق المصري، وشوفنا كمان قد إيه السوق العالمي بيتوسع بسرعة في مجال إعادة استخدام البطاريات

بفضل الله، وبفضل دعمكم المستمر، قدرنا نطوّر شغلنا، ونكبر الشركة، لحد ما بقت جولدابيكا رائدة في مجال بطاريات الليثيوم في مصر
قدرنا نكوّن فريق قوي، ونتوسع بخدماتنا عشان نوصل لكل محافظات الجمهورية

وإحنا مش واقفين هنا
حلمنا إننا نكون من أكبر الشركات في العالم في مجال إعادة تدوير بطاريات الليثيوم، وندخل بقوة في مجال البطاريات الخاصة بالسيارات الكهربائية

إحنا مجتمع من الحالمين، الصنايعية، والمطورين، اللي شايفين في كل قطعة إلكترونيات قديمة فرصة جديدة.
وإحنا لسه في أول الطريق

.